ТОШКЕНТ, 4 сентябрь. /"Дунё" АА/. Япониянинг Аичи префектурасининг марказий шаҳарчаси бўлган Тоёаке шаҳар ҳокимияти 69 минг аҳолиси учун иш ва таълим соатларидан ташқари кунлик смартфон фойдаланиш вақтини икки соатга чеклашни тарғиб этувчи илғор ташаббусни илгари сурди, деб хабар бермоқда "Дунё" AA мухбири.

Япония тарихида илк бор амалга оширилаётган мазкур ташаббус, рақамли қурилмаларга қарамлик масаласидаги ошиб бораётган хавотирларни бартараф этиш ва экран қаршисидаги вақтни соғлом одатларга йўналтириш мақсадини кўзлайди.

Мазкур ташаббус Тоёаке шаҳар кенгаши томонидан кўриб чиқилмоқда ва маъқулланса, октябрь ойида кучга кирада. Ажабланарлиси, йўриқнома қатъий қоида эмас, балки ихтиёрий чора сифатида ишлаб чиқилган, унга риоя қилмаганлик учун ҳеч қандай жазо қўлланилмайди.

Тоёаке шаҳри мэрининг таъкидлашича, ушбу ташаббус ортидаги ният аҳолини мажбурий чекловлар ўрнатишдан кўра, ўзларининг рақамли истеъмолини яхшироқ бошқаришни ривожлантиришга "рағбатлантириш"дир.

Ушбу мулоҳазакор ёндашув маҳаллий ҳокимиятларда ортиб бораётган ортиқча смартфондан фойдаланишнинг ижтимоий ва психологик таъсирларига оид хабардорликни оширишга хизмат қилади.