Кувайтлик сармоядорлар Ўзбекистондаги иштирокини кенгайтиришдан манфаатдор
Февраль 18, 2024. 13:49 • 54 сония
• 189
АЛ-КУВАЙТ, 18 февраль. /"Дунё" АА/. Ўзбекистон элчихонасида "Boursa National: Emerging markets consulting" компанияси раиси Салоҳ Абдуллоҳ Усмон Юсуф ал-Усмон билан учрашув ташкил этилди, деб хабар бермоқда "Дунё" АА мухбири.
Мулоқот чоғида Салоҳ ал-Усмон 2021 йилда Ўзбекистонда "Boursa National" компаниясининг филиалини очиб, Кувайтнинг хусусий компанияларига консалтинг хизматини кўрсатиб келаётганлигини маълум қилди. Бундан ташқари, у сўнгги уч йил давомида Ўзбекистон мутасадди вазирликлари билан қатор тадбирлар ўтказган.
Кувайт томони, шунингдек, Ўзбекистон-Кувайт муносабатларини янада ривожлантириш йўлида қатор тадбирларни амалга ошириш муҳимлигини қайд этди.
Учрашув якунида Кувайтнинг "Boursa National: Emerging Markets Consulting" компанияси ва Ўзбекистондаги консалтинг компаниялари ўртасида онлайн музокаралар ўтказиш режалаштирилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
