ТОШКEНТ, 15 октябрь. /«Дунё» АА/. Ўзбекистон ташқи ишлар вазири Бахтиёр Саидов Рим шаҳрида Иордания Подшоҳи Абдулла ИИ ибн ал-Ҳусайн  билан учрашди, деб хабар қилмоқда «Дунё» АА мухбири.

«Бугун Рим шаҳрида Иордания Ҳошимийлар Подшолигининг Ҳазратлари Подшо Абдулла ИИ ибн Ал-Ҳусейн билан учрашиш ҳамда Ўзбекистон Республикаси Президенти муҳтарам Шавкат Мирзиёевнинг самимий саломи ва махсус мактубини етказиш мен учун катта шараф бўлди, – деб ёзди Ўзбекистон ТИВ раҳбари ўзининг телеграм-каналида. – Учрашувимиз Ўзбекистон ва Иордания ўртасидаги дўстлик ва ўзаро ҳурматга асосланган мустаҳкам алоқаларнинг яна бир бор тасдиғига айланди. Ҳар икки мамлакат сиёсий, иқтисодий, маданий ва гуманитар соҳаларда ҳамкорликни янада мустаҳкамлашга қатъий содиқдир.

Умумий қадриятлар ва ҳамкорлик руҳидан илҳомланиб, икки давлат ташқи ишлар вазирликлари ўзаро ишонч ва қатъият билан ушбу самарали муносабатларни янада бойитиш, халқларимиз фаровонлиги ва эзгу келажаги йўлида янги ҳамкорлик йўналишларини очишга интиладилар».