ТОШКЕНТ, 19 август. /“Дунё” АА/. Кеча Теҳрон шаҳрида Ўзбекистон ташқи ишлар вазирининг биринчи ўринбосари Баҳромжон Аълоев Эрон йўллар ва шаҳарсозлик вазири Фарзане Содиқ билан учрашди, деб хабар бермоқда “Дунё” АА мухбири.

ТИВ маълумотига кўра, мулоқот давомида томонлар транспорт-транзит соҳасидаги Ўзбекистон-Эрон ҳамкорлигининг жорий ҳолати ва уни ривожлантириш истиқболларини муҳокама қилди.

Шунингдек, транспорт ва транзит алоқаларини янада кенгайтириш, халқаро транспорт коридорларини ривожлантириш, логистика йўналишлари самарадорлигини ошириш, шунингдек, икки мамлакат ўртасида юк ташиш ҳажмларини кўпайтириш учун қулай шарт-шароитлар яратиш масалаларига алоҳида эътибор қаратилди.

Томонлар, шунингдек, тегишли идоралар ўртасидаги ҳамкорликни фаоллаштириш ва транспорт-логистика соҳасида қўшма лойиҳаларни амалга ошириш истиқболларини кўриб чиқди.

“Дунё” АА олган сурат