Ўзбекистон ТИВ раҳбари ва Жанубий Корея Президентининг котиби икки томонлама кун тартиби, шу жумладан «яшил» энергетика соҳасида қўшма лойиҳаларни илгари суриш масалаларини муҳокама қилдилар
Декабрь 13, 2023. 17:16 • 2 дақ
• 884
ТОШКЕНТ, 13 декабрь. /«Дунё» АА/. Ўзбекистон ташқи ишлар вазири Бахтиёр Саидов бугун Корея Республикаси Президентининг иқтисодий хавфсизлик масалалари бўйича котиби Ван Юн Чжонг билан учрашди, деб хабар бермоқда «Дунё» АА мухбири.
«Бугун Ўзбекистон Ташқи ишлар вазирлигида Корея Республикаси Президентининг иқтисодий хавфсизлик масалалари бўйича котиби Ван Юн Чжонг жаноблари билан учрашишдан мамнунмиз, - деб ёзди Ўзбекистон ТИВ раҳбари ўзининг telegram каналида. - Ўзбекистон ва Корея Республикаси ўртасида алоҳида стратегик шериклик муносабатлари тобора ривожланиб бораётганини таъкидладик ҳамда технологик ва инвестициявий ҳамкорлик, «яшил» энергетика соҳасида қўшма лойиҳаларни илгари суриш ва бошқа масалалар бўйича бой кун тартибимизни муҳокама қилдик».
Эслатиб ўтамиз, шу йил 11 сентябрь куни Сеул шаҳрида Ўзбекистон ва Жанубий Корея ташқи ишлар вазирликлари ўртасида Стратегик мулоқотнинг биринчи давраси бўлиб ўтди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
ТИВда Ўзбекистон ва Руминия ўртасидаги турли соҳалардаги ҳамкорликни ривожлантириш истиқболлари муҳокама қилинди
