ТОШКЕНТ, 16 август. /"Дунё" АА/. Ўзбекистон ташқи ишлар вазири Бахтиёр Саидов бугун Қозоғистон Бош вазири ўринбосари – ташқи ишлар вазири Мурат Нуртлеу билан телефон орқали мулоқот қилди.

"Қозоғистон Бош вазири ўринбосари – ташқи ишлар вазири Мурат Нуртлеу жаноблари билан телефон орқали мулоқот қилдик, – деб ёзди Ўзбекистон ТИВ раҳбари ўзининг telegram-каналида. – Икки томонлама, минтақавий ва глобал кун тартибидаги долзарб масалалар бўйича фикр алмашдик. Олий даражада эришилган барча келишувларни ўз вақтида амалга ошириш алоҳида эътиборимиз марказида бўлди. Шунингдек, стратегик шериклик ва иттифоқчилик муносабатларимиздаги мисли кўрилмаган суръатни қайд этдик".

"Дунё" АА архивидан олинган сурат