ТОШКЕНТ, 18 октябрь. /"Дунё" АА/. Ўзбекистон ташқи ишлар вазири  Бахтиёр Саидов бугун Мисрнинг янги элчиси этиб тайинланган Тамер Фатҳи Абдуссалом Ҳаммадни қабул қилди, деб хабар қилмоқда "Дунё" АА мухбири.

"Мисрнинг янги тайинланган Элчиси Тамер Фатҳи Абдуссалом Ҳаммад жанобларини қутлаб, ишонч ёрлиқлари нусхаларини қабул қилдик, – деб ёзди Ўзбекистон ТИВ раҳбари ўзининг telegram каналида. – Ўзбекистон Президенти Шавкат Мирзиёев Жаноби Олийларининг ўтган йили Қоҳирага амалга оширган расмий ташрифи истиқболли ҳамкорлик учун янги пойдевор қўйди. Фаол ва яқин муносабатлар кун тартибини бойитишда, шубҳасиз, элчихоналар муҳим ўрин тутади. Жаноб Элчига Ўзбекистонда самарали ва муваффақиятли фаолият юритишини тилаймиз".

 "Дунё" АА олган сурат