ТОШКЕНТ, 16 июнь. /"Дунё" АА/. Ўзбекистон ташқи ишлар вазирининг биринчи ўринбосари Баҳромжон Аълоев бугун Қатар элчиси Ҳасан бин Ҳамза Ҳошим билан учрашди, деб хабар қилмоқда "Дунё" АА мухбири.

ТИВ маълумотига кўра, томонлар икки томонлама стратегик ҳамкорликнинг долзарб масалаларини, жумладан, савдо-иқтисодий алоқалар ва маданий-гуманитар ҳамкорликни ривожлантириш, шунингдек, аввал эришилган келишувларни амалга оширишни муҳокама қилдилар.

Шу билан бирга, минтақадаги вазият ҳамда барқарорлик ва хавфсизликни мустаҳкамлаш чора-тадбирлари юзасидан ҳам фикр алмашилди.

"Дунё" АА олган сурат