ТОШКЕНТ, 17 июль. /"Дунё" АА/. Ўзбекистон ташқи ишлар вазирининг биринчи ўринбосари Бахромжон Аълоев бугун Бангладеш элчиси Муҳаммад Монирул Ислом билан учрашув ўтказди, деб хабар қилмоқда "Дунё" АА мухбири.

ТИВ маълумотига кўра, суҳбат чоғида сиёсий, савдо-иқтисодий, транспорт-логистика ва маданий-гуманитар соҳалардаги Ўзбекистон-Бангладеш муносабатларининг бугунги ҳолати ва ривожланиш истиқболлари муҳокама қилинди.

Шунингдек, алоқаларни чуқурлаштириш мақсадида турли даражаларда қўшма тадбирлар ўтказиш режалари кўриб чиқилди.

"Дунё" АА олган сурат