ТОШКЕНТ, 1 март. /"Дунё" АА/. Ўзбекистон ташқи ишлар вазирининг маслаҳатчиси Мунира Аминова 27 февраль куни Жаҳон соғлиқни сақлаш ташкилотининг (ЖССТ) Ўзбекистондаги ваколатхонаси раҳбари Ашина Халакдина билан учрашув ўтказди, деб хабар қилмоқда "Дунё" АА мухбири.

ТИВ маълумотига кўра, учрашувда Ўзбекистоннинг Жаҳон соғлиқни сақлаш ташкилоти билан ҳамкорлигининг устувор йўналишлари муҳокама қилинди. Соғлиқни сақлаш соҳасида, жумладан, "Ўзбекистон–2030" стратегияси доирасида тегишли вазифаларни амалга оширишда яқин ҳамкорликни давом эттириш муҳимлиги таъкидланди.

Шунингдек, Ўзбекистонда соғлиқни сақлаш тизимини модернизация қилиш ва такомиллаштиришга қаратилган лойиҳа фаолиятини кенгайтириш бўйича ҳамкорликни фаоллаштириш мавзусига алоҳида эътибор қаратилди.

"Дунё" АА олган сурат