ТОШКЕНТ, 8 май. /“Дунё” АА/. ТИВда Миграция сиёсатини ривожлантириш халқаро маркази (ICMPD) бош директори ўринбосари Седеф Диринг билан учрашув бўлиб ўтди, деб хабар бермоқда “Дунё” АА мухбири.

Музокаралар чоғида меҳнат миграцияси соҳасида ҳамкорлик қилиш, жумладан, кетишдан олдинги тартиб-таомилларни ташкил этиш, қонуний ва тартибли миграция оқимлари тизимини шакллантириш бўйича қўшма чора-тадбирларни келишиш масалалари кўриб чиқилди.

Томонлар қўшма ташаббусларни амалга ошириш, жумладан, Тошкент шаҳридаги мигрантлар учун ресурс маркази фаолиятини кўриб чиқди ва ҳамкорликни янада кенгайтириш ва чуқурлаштиришдан манфаатдор эканини таъкидлади.