Тошкентда “Марказий Осиё - Корея Республикаси” саммитига тайёргарлик кўриш бўйича юқори мансабдор шахсларнинг иккинчи йиғилиши бўлиб ўтди
Июнь 16, 2026. 22:45 • 2 дақ
• 75
СЕУЛ, 16 июнь. /“Дунё” АА/. Бугун Тошкент шаҳрида “Марказий Осиё – Корея Республикаси” давлат раҳбарларининг биринчи саммитига тайёргарлик кўриш бўйича юқори мансабдор шахсларнинг иккинчи йиғилиши бўлиб ўтди, деб хабар бермоқда “Дунё” АА мухбири.
ТИВ маълумотига кўра, йиғилишда Жанубий Корея, Қозоғистон, Қирғизистон, Тожикистон ва Туркманистон ташқи ишлар вазирлари ўринбосарлари иштирок этди. Ўзбекистон делегациясига ташқи ишлар вазири ўринбосари Мирвоҳид Азимов бошчилик қилди.
Учрашув давомида томонлар бўлажак саммитга тайёргарлик жараёнини кўриб чиқди, якуний ҳужжатлар лойиҳалари юзасидан фикр алмашди ҳамда Корея Республикаси ва Марказий Осиё давлатлари ўртасидаги ҳамкорликни янада ривожлантиришнинг асосий йўналишларини муҳокама қилди. Савдо-иқтисодий, инвестициявий, энергетика, транспорт-логистика ҳамда маданий-гуманитар соҳалардаги ҳамкорликни кенгайтириш масалаларига алоҳида эътибор қаратилди.
Йиғилиш якунлари бўйича иштирокчилар келгусида ҳам яқин мувофиқлашувга содиқ эканликларини тасдиқлаб, кўп томонлама шериклик ривожига янги суръат бағишлаши кўзда тутилган “Марказий Осиё - Корея Республикаси” мамлакатлари давлат раҳбарларининг тарихдаги илк саммити кун тартибини мазмунан бойитиш бўйича биргаликдаги ишларни давом эттиришга келишиб олдилар.
“Марказий Осиё – Корея Республикаси” форматидаги ташқи ишлар вазирлари ўринбосарлари даражасидаги биринчи йиғилиш 2026 йил 10 апрель куни Сеул шаҳрида бўлиб ўтган эди.
“Дунё” АА олган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
ТИВда Ўзбекистон – Жанубий Корея сиёсий маслаҳатлашувларининг навбатдаги давраси бўлиб ўтди
Ўзбекистон ташқи ишлар вазири ўринбосари ва Беларусь элчиси турли даража ва форматларда бўлиб ўтадиган бўлажак тадбирлар дастурини муҳокама қилдилар
