ЗАГРЕБ, 4 ноябрь. /"Дунё" АА/. Хорватия маданият ва медиа вазири Нина Обулен Коржинек ЮНЕСКО ташаббусларини қўллаб-қувватлади, деб хабар бермоқда "Дунё" АА мухбири.

Хорватиянинг "Večernji list" ва "Index.hr" электрон нашрлари, шунингдек, "HRT" радио ва телевидениеси маълумотларига кўра, Хорватия вазири ялпи мажлисда ЮНЕСКОнинг барча дастурий йўналишлари, жумладан, таълим, фан, маданият ва ахборот технологияларининг устувор йўналишлари ҳақида маъруза қилган.

Вазир ЮНЕСКО кўмагида амалга оширилаётган маданий меросни муҳофаза қилиш ва ёш авлодни бу борада тарбиялашга қаратилган лойиҳаларни юқори баҳолади.

Қолаверса, у Хорватия таълим, маданият ва сўз эркинлигини ривожлантиришга қаратилган ЮНЕСКО дастурларини келгусида ҳам фаол қўллаб-қувватлашини таъкидлади.