САМАРҚАНД, 29 октябрь. /"Дунё" АА/. Самарқандда ЮНЕСКО Бош конференциясининг 43-сессиясига сўнгги тайёргарлик ишлари олиб борилмоқда, ушбу сессия сўнгги қирқ йил ичида биринчи маротаба Париждан ташқарда ўтказилмоқда, деб хабар беради "Дунё" АА мухбири қадимий шаҳардан.

Ушбу нуфузли халқаро тадбир арафасида ЮНЕСКО Ёшлар форуми бўлиб ўтди. Бу 1999 йилдан бери икки йилда бир марта ўтказиладиган ёш етакчилар мулоқоти учун анъанавий майдон ҳисобланади.

30 октябрь куни ЮНЕСКО Бош конференциясининг тарихий аҳамиятга эга бўлиши кутилаётган 43-сессияси ўз ишини бошлайди.

Форумнинг асосий воқеаларидан бири Холид ал-Энанийнинг ЮНЕСКОнинг 12-бош директори лавозимига тасдиқланиши бўлади. У ушбу нуфузли халқаро ташкилотга раҳбарлик қилган араб дунёсининг биринчи вакили сифатида тарихга киради.