НЬЮ-ЙОРК, 1 май. /"Дунё" АА/. Бирлашган Миллатлар Ташкилотининг Статистика бошқармаси директори Стефан Швайнфест "Дунё" АА учун интервьюсида Ўзбекистоннинг БМТ Статистика комиссиясига илк бор аъзо бўлгани ҳақидаги фикрларини билдирди:

– Яқинда Ўзбекистон Миллий статистика қўмитаси раиси Беҳзод Ҳамроев билан учрашиш имконига эга бўлдим. Фурсатдан фойдаланиб, у орқали мамлакат раҳбариятини Ўзбекистон кейинги тўрт йилга БМТ Статистик комиссияси аъзоси этиб сайлангани билан табрикладим.

Ўзбекистон бугун ўз тараққиётининг жуда жадал босқичида. Бу тараққиётни самарали бошқариш учун, албатта, юқори сифатли, шаффоф ва фойдаланиш мумкин бўлган маълумотлар муҳим аҳамиятга эга. Халқаро стандартларни жорий этиш ва миллий статистика тизимини модернизация қилиш бўйича Ўзбекистон Миллий статистика қўмитаси билан ҳамкорликка тайёрмиз.