ОСЛО, 19 май. /"Дунё" АА/. Норвегия пойтахтида "Ўзбекистондаги бизнес ва инвестициявий имкониятлар" мавзусида давра суҳбати бўлиб ўтди, деб хабар қилмоқда "Дунё" АА мухбири.

Ўзбекистоннинг Стокгольм шаҳридаги элчихонаси томонидан ташкил этилган мазкур тадбирда Норвегиянинг "Noran energy" "Norsk Hydro", "Syssel Holding", "QM Soft", "Frend Digital", "MediTann", "Exotic Fruit" каби етакчи компаниялари ва бизнес уюшмалар вакиллари иштирок этди.

Скандинавиялик ишбилармонлар Ўзбекистонда хорижий инвесторлар учун яратилган қулайликлар, ортиб бораётган миллий экспорт салоҳияти тўғрисидаги қизиқарли тақдимотлар билан танишди.

Шунингдек, Ўзбекистон-Норвегия иқтисодий алоқаларининг истиқболли йўналишлари бўйича фикр алмашилди ва уларни амалга ошириш юзасидан кейинги қадамлар белгилаб олинди.