ҚОЗОН, 7 октябрь. /"Дунё" АА/. Ўзбекистон бош консули Нодиржон Қосимов Татаристон Бош вазирининг ўринбосари – қишлоқ хўжалиги ва озиқ-овқат масалалари вазири Марат Зяббаров билан учрашди, деб хабар қилмоқда "Дунё" АА мухбири.



Унда Ўзбекистон ҳудудлари ва Татаристон ўртасидаги қишлоқ хўжалиги соҳасида икки томонлама ҳамкорликни янада кенгайтириш истиқболлари ва ўзаро манфаатли лойиҳаларни ишлаб чиқиш масалалари муҳокама қилинди.

Ўзбекистонда қишлоқ хўжалиги соҳасида амалга оширилаётган ислоҳотлар, эркин иқтисодий зоналар фаолияти ҳақида сўзлаб берилди.

Музокара якунида Татаристон Қишлоқ хўжалиги ва озиқ-овқат масалалари вазирлиги делегациясининг Ўзбекистон ҳудудларига ташрифини ташкил этиш тўғрисида келишиб олинди.