Ўзбек дипломатлари Ҳиндистон Савдо ва саноат вазирлигида учрашув ўтказди

Декабрь 24, 2023. 08:27 • 2 дақ

• 470
Ўзбек дипломатлари Ҳиндистон Савдо ва саноат вазирлигида учрашув ўтказди

ДЕҲЛИ, 24 декабрь. /"Дунё" АА/. Ўзбекистон элчихонаси ходимлари Ҳиндистон Савдо ва саноат вазирлигида музокаралар ўтказди, деб хабар қилмоқда "Дунё" АА мухбири.

Мулоқот чоғида Ўзбекистонда амалга оширилаётган кенг қамровли ислоҳотлар, хорижий давлатлар ишбилармон доиралари вакиллари билан йўлга қўйилган ҳамкорлик лойиҳалари, инвестициявий фаолият учун яратилган қулай муҳит, тақдим этилаётган имтиёзлар ва преференциялар, республикамиз саноат ва экспорт салоҳияти ҳақида батафсил маълумот тақдим этилди.

Ўзбекистон фармацевтика, тўқимачилик, чарм-пойабзал саноати, ахборот технологиялари, соғлиқни сақлаш, таълим ва бошқа соҳаларда Ҳиндистон технологиялари, инновацион ечимлари, сармоялари, билим ва кўникмаларини жалб қилишдан манфаатдорлиги таъкидланди, ушбу йўналишдаги муносабатларни янада фаоллаштириш истиқболлари урғуланди.

Шунингдек ўқинг

Ҳиндистон Савдо ва саноат вазирлиги бош бошқармаси бошлиғи Маниш Чадҳа ўзаро савдо айланмаси ҳажми йилдан йилга ўсаётганига қарамасдан, ҳали фойдаланилмаган салоҳият улканлигини қайд этди. Шу боис Деҳли икки мамлакат ўртасидаги товарлар ҳаракатини жонлантириш, жумладан, Ўзбекистонда етиштириладиган мева-сабзавотлар ва қуритилган мевалар, ишлаб чиқариладиган минерал ўғитлар, ипак, чарм-пойабзал ва бошқа саноат маҳсулотларини ҳинд бозорига изчил кириб келиши бўйича чора-тадбирлар кўраётганини маълум қилди.

Учрашув доирасида Ўзбекистон-Ҳиндистон Савдо-иқтисодий ва илмий-техник ҳамкорлик бўйича ҳукуматлараро комиссиясининг навбатдаги йиғилишини ўтказиш билан боғлиқ ташкилий масалалар юзасидан ҳам фикр алмашилди.

Telegram каналига обуна бўлинг

Барча янгиликлар ва янгиланишлардан биринчилардан бўлиб хабардор бўлинг!

Каналга ўтиш