ТОШКЕНТ, 8 май. /"Дунё" АА/. "Ўзэлтехсаноат" уюшмасига Корея Республикаси электротехника саноати кооперативи (KEIC) раиси Чон Мён Хва бошчилигидаги делегация расмий ташриф буюрди, деб хабар қилмоқда "Дунё" АА мухбири.

Уюшма ахборот хизмати маълумотига кўра, музокаралар чоғида ташкилотлар фаолияти, истиқболдаги режалар ва қўшма ташаббуслар юзасидан фикр алмашилди. Шунингдек, инвестициявий муҳитни ўрганиш ва электротехника соҳасида янги ҳамкорлик йўналишларни аниқлашга эътибор қаратилди.

KEIC раиси Чон Мён Хва Ўзбекистондаги кооперация имкониятларига катта қизиқиш билдирди. 

Учрашув якунида "Ўзэлтехсаноат" уюшмаси ва KEIC ўртасида англашув меморандуми имзоланди.

Ҳужжат икки мамлакат ўртасидаги кооперацияни янги босқичга олиб чиқишга хизмат қилади.