ИСТАНБУЛ, 26 январь. /“Дунё” АА/. Истанбул шаҳрида туркиялик ишбилармонлар иштирокида ўтказилган бизнес-форумда Андижон вилояти ҳокими ҳам қатнашди, деб хабар қилмоқда “Дунё” АА мухбири.

120 нафардан зиёд туркиялик ишбилармонлар иштирок этган бизнес-форумда Андижон вилояти ҳокими Шуҳратбек Абдурахмонов сўзга чиқиб, юртимизда, хусусан, Андижон вилоятида тадбиркорлар ва инвесторлар учун яратилган шарт-шароит ва имкониятлар хусусида тўхталиб ўтди.

Мазкур форум Ўзбекистон ва Туркия ўртасидаги савдо-иқтисодий ҳамкорликни янада мустаҳкамлаш, ҳудудлар ўртасида тўғридан-тўғри алоқаларни кенгайтириш ҳамда ўзаро манфаатли инвестиция лойиҳаларини амалга ошириш мақсадида ташкил этилди.

Форум доирасида Андижон вилоятининг саноат, қишлоқ хўжалиги, тўқимачилик, мебелсозлик ҳамда логистика соҳаларидаги инвестициявий салоҳияти намойиш этилди.