ПЕКИН, 15 август. /“Дунё” АА/. Шимолий Хитой технология университети президенти Чжан Лифэн Ўзбекистон мустақиллигининг 35 йиллиги арафасида “Дунё” АА орқали юртдошларимизга ўзининг самимий табриги ва эзгу тилакларини йўллади.

– Аввало, Ўзбекистон халқини мустақилликнинг 35 йиллиги билан чин дилдан табриклайман!

Сўнгги йилларда университетимиз мамлакатингизнинг қатор олий ўқув юртлари билан ҳамкорлик алоқаларини сезиларли даражада кенгайтирмоқда.

Ўзбекистонга бир неча бор ташриф буюрганман. Сафарим давомида профессорлар ва ректорлар иштирокидаги турли учрашув ва анжуманларда қатнашдим. Юртингизнинг бой тарихи ва замонавий тараққиёти менда катта таассурот қолдирган.

Ўтган йили Ўзбекистондаги университетлар ва турли корхоналарда бўлганимда, у ердаги кишиларнинг бахтиёр экани ва астойдил меҳнат қилаётганини ҳис қилдим. Ўзбекистон истиқболи жуда порлоқ эканини ўз кўзим билан кўрдим.

Сўзим якунида яна бир бор ушбу қутлуғ сана муносабати билан Ўзбекистон халқига тинчлик, ҳамжиҳатлик ва фаровонлик тилайман.