Британия матбуоти: Ўзбекистонда кичик модулли реакторларга эга биринчи АЭС лойиҳасига старт берилди
Июнь 11, 2026. 09:00 • 1 дақ
• 65
ЛОНДОН, 11 июнь. /“Дунё” АА/. Жиззах вилоятида атом электр станцияси қурилишига бағишланган расмий маросим бўлиб ўтди, деб хабар бермоқда, “Дунё” АА мухбири Британиянинг “World Nuclear News” ахборот порталига таяниб.
Тадбирда видеоконференсалоқа орқали Ўзбекистон ва Россия Президентлари ҳамда Халқаро атом энергияси агентлиги бош директори Рафаэль Гросси иштирок этди.
“Ўзатом” агентлиги директори Азим Ахмедхаджаевнинг сўзларига кўра, станция қурилиши Ўзбекистоннинг энергетик мустақиллигини мустаҳкамлаш, саноатнинг юксалиши ва технологик ривожланиши учун замин яратади.
Таъкидланишича, лойиҳа кичик модулли реакторлар технологиялари ва йирик энергетика қувватларини ўзида мужассамлаштириши билан ноёбдир. Янгиланган концепцияга мувофиқ, станция иккита ВВЕР-1000 энергоблоки ҳамда умумий қуввати 2100 МВтдан ортиқ бўлган иккита кичик модулли реакторни ўз ичига олади.
Лойиҳанинг амалга оширилиши Ўзбекистоннинг энергетика хавфсизлигини мустаҳкамлаш, юқори технологияли тармоқларни ривожлантириш ва янги иш ўринларини яратишга хизмат қилади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
