Кок Ли Пэнг: Ўзбекистон жадал ривожланиш баробарида халқаро ҳамкорлик учун янги имкониятлар очмоқда
Ноябрь 10, 2026. 20:25 • 2 дақ
• 32
АНТАЛИЯ, 10 ноябрь. /“Дунё” АА/. Сингапурнинг Туркиядаги элчиси Кок Ли Пэнг “Дунё” АА мухбирига COP31 доирасида ташкил этилган Ўзбекистон павильонидан олган таассуротлари ҳақида фикр билдирди:
– Ўзбекистон миллий павильони кишида жуда ёқимли таассурот уйғотади. Бу ерни айланиб, ўзгача осойишталик ва уйғунлик муҳитини ҳис қилиш мумкин.
Яшилликнинг мўллиги, пухта ўйланган безаклар ва табиий муҳит, айниқса, COP31 майдонига хос бўлган умумий гавжумлик ва шовқин фонида ўзингизни бутунлай бошқача ҳис қилиш имконини беради.
Ўзбекистон айрим қўшни давлатлар билан қиёслаганда нисбатан кичик ҳудудга эга бўлишига қарамай, ривожланишнинг юксак суръатларини намоён этмоқда.
Мамлакат улкан инсон салоҳияти, кўп сонли аҳоли, меҳнатсевар ва ташаббускор инсонларга эга. Ўзбекистон жадал ривожланмоқда, халқаро ҳамкорликнинг янги йўналишларини очмоқда.
Энг муҳими, мамлакат барқарор ўсиш ва янги инвестицияларни жалб қилиш учун қўшимча имкониятлар яратган ҳолда, иқтисодиётни диверсификация қилиш йўлида изчил иш олиб бормоқда.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Бекир Каражабей: Ўзбекистон Оролбўйини кўкаламзорлаштириш бўйича улкан саъй-ҳаракатларни намойиш этмоқда
Ингрид-Габриэла Ховен: Ўзбекистон билан кўп йиллик ҳамкорлигимиз замирида ўзаро ишонч ва устувор йўналишлар мужассам
Акрамжон Неъматов: Дунёдаги ўзгаришлар медиа сифатини янги босқичга кўтариш ва ўзаро тасаввурларни шакллантиришда масъулиятни оширишни талаб этмоқда
Анталиядаги COP31 саммитида Марказий Осиёда иқлимга мослашиш бўйича минтақавий ташаббуслар тақдим этилди
