САМАРҚАНД, 5 октябрь. /“Дунё” АА/. Осиё конституциявий судлари ва эквивалент институтлари ассоциациясининг VII конгресси якунлари бўйича Самарқанд декларацияси бир овоздан қабул қилинди, деб хабар бермоқда “Дунё” АА мухбири.

Якуний ҳужжат рақамли технологиялар ва сунъий интеллект жадал ривожланаётган бир шароитда инсон ҳуқуқ ва эркинликларининг конституциявий ҳимоясини кучайтириш, судьялар мустақиллигини таъминлаш, конституциявий назорат органлари ўртасидаги халқаро ва минтақалараро ҳамкорликни ривожлантиришга қаратилган.

Декларацияда, суд соҳасида сунъий интеллектдан фойдаланишда инсон назоратини сақлаб қолиш, процессуал кафолатларга амал қилиш ҳамда шахсга доир маълумотларни ҳимоя қилиш зарурлиги алоҳида қайд этилган.

Ассоциация Президенти, Ўзбекистон Конституциявий суди раиси Мирза-Улуғбек Абдусаломов мазкур ҳужжатнинг қонунийликни мустаҳкамлаш ҳамда конституциявий одил судлов соҳасидаги ҳамкорликни ривожлантиришда муҳим аҳамият касб этишини алоҳида таъкидлади.