ВАШИНГТОН, 2 сентябрь. /“Дунё” АА/. АҚШ Конгрессмени, Ўзбекистон бўйича кокус аъзоси Остин Скотт “Дунё” АА орқали мамлакат мустақиллигининг 31 йиллиги муносабати билан Ўзбекистон халқига ўзининг самимий табрик ва эзгу тилакларини йўллади:

– Жоржия штатининг Саккизинчи сайлов округи аҳолиси номидан Ўзбекистон халқини мустақилликнинг 31 йиллиги билан чин дилдан муборакбод этаман.

Ушбу шонли сана Ўзбекистоннинг мустақил давлат сифатидаги бой тарихи, маданияти ва ютуқларини ёдга олиш ҳамда унинг келажагини белгилайдиган истиқболларга назар ташлаш имконини беради.

35 йил давомида Ўзбекистон Марказий Осиёдаги муҳим шерикка айланиб, минтақада хавфсизлик, барқарорлик ва иқтисодий ўсишни таъминлашга салмоқли ҳисса қўшди.

АҚШ Ўзбекистон билан юксалиб бораётган муносабатлар ҳамда тинчлик, хавфсизлик ва иқтисодий имкониятларни мустаҳкамлаш борасидаги умумий манфаатларни юқори баҳолайди. Ишонаманки, келгуси йилларда мамлакатларимиз дўстлик ришталарини янада мустаҳкамлаб, ҳамкорликни кенгайтиришда давом этади.

Ушбу қутлуғ кунда Ўзбекистон халқига доимий тинчлик-омонлик, фаровонлик ва муваффақиятлар тилайман.