ТОШКЕНТ, 15 октябрь. /“Дунё” АА/. Ўзбекистон ташқи ишлар вазирининг биринчи ўринбосари Баҳромжон Аълоев Буюк Британия Ташқи ишлар вазирлигининг мудофаа ва хавфсизлик масалалари бўйича бош директори Нил Уиганни қабул қилди, деб хабар бермоқда “Дунё” АА мухбири.

ТИВ маълумотига кўра, учрашув чоғида Ўзбекистон–Буюк Британия ҳамкорлигининг бугунги ҳолати ҳамда ўзаро манфаатли барча йўналишларда уни янада ривожлантириш истиқболлари муҳокама қилинди.

Шунингдек, халқаро ва минтақавий кун тартибидаги долзарб масалалар юзасидан фикр алмашилди.

“Дунё” АА сурати