Ўзбекистон Президенти Грузия Бош вазирини таваллуд куни билан табриклади
Сентябрь 25, 2026. 12:40 • 1 дақ
• 33
ТОШКЕНТ, 25 сентябрь. /“Дунё” АА/. Бугун Ўзбекистон Президенти Шавкат Мирзиёев Грузия Бош вазири Ираклий Кобахидзе билан телефон орқали мулоқот қилди, деб хабар бермоқда “Дунё” АА мухбири.
Давлатимиз раҳбари матбуот хизмати маълумотига кўра, Ўзбекистон етакчиси Ираклий Кобахидзени таваллуд куни билан самимий табриклаб, унга мустаҳкам соғлиқ, Грузия халқига фаровонлик ва бардавом равнақ тилади.
Ўзбекистон Республикаси Президентининг жорий йил 2-3 июль кунлари Грузияга давлат ташрифи якунлари бўйича эришилган келишувларни амалга ошириш доирасида Ўзбекистон – Грузия стратегик шериклик муносабатларини янада кенгайтириш масалалари муҳокама қилинди.
Ўзаро савдо ҳажмини ошириш, саноат кооперациясини кенгайтириш, шунингдек, Грузиянинг Поти ва Анаклия портлари инфратузилмасидан самарали фойдаланиш орқали транспорт жиҳатидан ўзаро боғлиқликни кучайтиришга алоҳида эътибор қаратилди.
Ўзбекистон Президенти матбуот хизмати архивидан олинган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон Президенти раислигида ўтган йиғилишда Андижонда иқтисодий ўсиш ва аҳоли фаровонлигини таъминлашнинг устувор вазифалари белгиланди
Балиқчи туманидаги паррандачилик кластерида 10 миллион долларлик янги лойиҳалар амалга оширилади
