Ўзбекистон Президенти Ҳиндистон раҳбариятига Уттар-Прадеш штатидаги кучли ёғингарчилик ва бўрон оқибатида кўплаб инсонлар ҳалок бўлгани ва жароҳатлангани муносабати билан ҳамдардлик билдирди
Май 15, 2026. 12:30 • 2 дақ
• 67
ТОШКЕНТ, 15 май. /“Дунё” АА/. Ўзбекистон Президенти Шавкат Мирзиёев Уттар-Прадеш штатида кучли ёғингарчилик ва бўрон оқибатида кўплаб инсонлар ҳалок бўлгани ва жиддий жароҳат олгани муносабати билан Ҳиндистон Президенти Драупади Мурму ва Бош вазири Нарендра Модига таъзия мактуби йўллади, деб хабар бермоқда “Дунё” АА мухбири давлатимиз раҳбари матбуот котиби Шерзод Асадовнинг telegram-каналига таяниб.
“Давлатимиз раҳбари қурбон бўлганларнинг оила аъзолари ва яқинларига чуқур ҳамдардлик изҳор этди, жароҳат олганлар тез фурсатда соғайиб кетишини тилади”, - дейилади хабарда.
“РБК” ахборот агентлиги маълумотига кўра, Ҳиндистоннинг Уттар-Прадеш штатида юз берган кучли довул оқибатида ҳалок бўлганлар сони 111 нафарга етиб, яна 72 киши тан жароҳати олган. 13 май куни оқшомда штатнинг бир нечта туманида ёмғир ва момақалдироқ билан бирга чанг бўрони кўтарилган. Одамларнинг бир қисми қулаган иншоотлар ва дарахтларнинг остида, бошқалари эса чақмоқ уриши натижасида ҳалок бўлган.
“РБК” АА сайтидан олинган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
