Абу-Дабида БААнинг таълим соҳасидаги халқаро тажрибаси ва рақамли ечимларини Ўзбекистонда қўллаш истиқболлари муҳокама қилинди
Сентябрь 11, 2026. 16:00 • 57 сония
• 107
АБУ-ДАБИ, 11 сентябрь. /“Дунё” АА/. Ўзбекистон элчиси Умид Шадиев БААнинг “The Digital School” ташкилоти бош котиби Валид Ал-Али билан учрашув ўтказди, деб хабар бермоқда “Дунё” АА мухбири.
Мулоқотда Ўзбекистоннинг олис ва бориш қийин бўлган ҳудудларида сифатли таълим олиш имкониятларини кенгайтириш, замонавий таълим платформалари ва рақамли контентни жорий этиш ҳамда педагогларнинг рақамли кўникмаларини ошириш масалалари кўриб чиқилди.
Алоҳида эътибор “The Digital School” ташкилотининг халқаро тажрибаси ва рақамли ечимларини Ўзбекистонда қўллашга қаратилди. Ташкилот дастурлари бугунги кунда дунёнинг 39 та мамлакатида амалга оширилмоқда ва 850 мингдан ортиқ ўқувчиларни қамраб олган.
Учрашув якунида томонлар ҳамкорликни янада ривожлантириш ҳамда Ўзбекистонда рақамли таълим имкониятларини кенгайтириш бўйича мулоқотни изчил давом эттиришга келишиб олдилар.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Россия божхона хизматлари ЖБТнинг глобал форуми доирасида меморандум имзолади
Ўзбекистон ва Миср сув ресурслари соҳасидаги ҳамкорликни янги босқичга олиб чиқмоқда
