ТОШКЕНТ, 20 май. /"Дунё" АА/. Ўзбекистон Президенти Шавкат Мирзиёевнинг Венгрияга расмий ташрифи бугун якунига етди, деб хабар қилмоқда "Дунё" АА мухбири.

Давлатимиз раҳбари матбуот хизмати маълумотига кўра, Ўзбекистон етакчиси 20 май куни Венгрия Бош вазири Виктор Орбан билан тор ва кенгайтирилган таркибда музокаралар ўтказди, Миллий мажлис спикери Ласло Кёвер, Венгриянинг етакчи банк ва компаниялари раҳбарлари билан учрашувлар ўтказди.

Бугун Ўзбекистон Президенти Туркий давлатлар ташкилотининг норасмий саммитида иштирок этиб, кўп қиррали ҳамкорликни кенгайтиришга қаратилган қатор муҳим ташаббусларни илгари сурди.

Тадбирлар якунлангач, Шавкат Мирзиёев расмий ташриф билан Словенияга жўнаб кетди. Ференц Лист номидаги халқаро аэропортда олий мартабали меҳмонни Венгрия расмийлари кузатиб қўйди.