ОҚТОВ, 19 июль. /"Дунё" АА/. Ўзбекистоннинг Оқтов шаҳридаги Бош консулхонаси томонидан 15-16 июль кунлари Қозоғистонннинг Атирау шаҳридаги ватандошлар учун сайёр консуллик қабули ташкил этилди, деб хабар қилмоқда "Дунё" АА мухбири.

Қабул давомида вақтинча ва доимий истоқамат қилаётган Ўзбекистон фуқароларига маслаҳатлар, консуллик-ҳуқуқий ёрдам ва консуллик хизмат кўрсатилди.

Шунингдек, Атирау шаҳрида меҳнат фаолияти билан шуғуланаётган Ўзбекистон фуқаролари билан учрашувлар ўтказилди.

Мулоқотлар чоғида Ўзбекистон ҳаётида кечаётган ижтимоий-сиёсий ва иқтисодий ислоҳотлар ҳақида айтиб ўтилди. Қозоғистоннинг миграцияга оид қонунчилигига риоя этиш шартлиги таъкидланди.

Ўзбекистон фуқароларига хавфсиз ҳаракатланишлари учун 3 июль ва 15 июль кунлари "Нукус–Актау" ва "Атирау–Тошкент" йўналишларида тўғридан-тўғри авиақатновлар очилганлиги ҳақида ҳам маълум қилинди.