СТОКГОЛЬМ, 15 июль. /"Дунё" АА/. Жорий йилнинг 12-13 июль кунлари Швеция пойтахтида ушбу давлатдаги турли миллат вакиллари ўртасида футбол турнири ташкил этилди, деб хабар қилмоқда "Дунё" АА мухбири.

Турнирда 32 та жамоа, жумладан Швецияда вақтинча ишлаётган ватандошларимиздан тузилган Ўзбекистон терма жамоаси иштирок этди.

Ўзбекистон терма жамоаси таркибидан шу йил 22 июнь куни юртимизнинг Швециядаги дипломатик ваколатхонаси томонидан ташкил этилган футбол бўйича "Элчихона кубоги" турнирида бош совринни қўлга киритган "Максимум" ҳамда "Кўктош" ва "Қашқадарё" жамоаларининг энг кучли футболчилари ўрин олди.

Ўзбекистон терма жамоасининг мазкур турнирдаги иштироки мусобақа ташкилотчилари ва мухлислар томонидан илиқ кутиб олиниб. Шунингдек, мамлакатимиз жамоаси кўрсатган ўйин мухлисларнинг эътирофига сазовор бўлди.

Ташкилотчилар кўра, мазкур футбол мусобақа аҳолисининг қарийб 20 фоиз хориждан келган халқлар вакилларидан иборат бўлган Швецияда миллатлараро тотувлик, ўзаро ҳурмат ва бағрикенгликни мустаҳкамлашга хизмат қилаётганини таъкидладилар.