БУДАПЕШТ, 21 июнь. /"Дунё" АА/. Ўзбекистон элчиси Ойбек Шахавдинов Венгрия узумчилик ва энология институти раҳбарияти билан учрашув ўтказди, деб хабар бермоқда "Дунё" АА мухбири.

Унда Венгриянинг илғор тажрибаси асосида Ўзбекистонда ушбу соҳани ривожлантириш масалалари муҳокама қилинди.

Мамлакатимиз элчихонаси маълумотига кўра, аввалроқ, "ОТП Банк" гуруҳи президенти Шандор Чаньининг жорий йил 12-13 февраль кунлари бўлиб ўтган Ўзбекистонга бўлиб ўтган ташрифи давомида икки мамлакат ўртасидаги ҳамкорликнинг асосий йўналишлари белгилаб олинган эди. Улардан бири вино саноати, жумладан, ушбу жабҳада қўшма илмий-тадқиқот марказларини ташкил етиш ва Ўзбекистонда вино ишлаб чиқаришни янада ривожлантириш эди. Венгрия томони лойиҳаларни кўриб чиқишнинг биринчи босқичи сифатида Венгрия Қишлоқ хўжалиги ва табиий фанлар университети ҳамда Узумчилик ва энология институти раҳбариятидан иборат шерикларни аниқлаб олди. Улар селекция ва янги узум навларини етиштириш соҳасида мутахассис ҳисобланади.

Учрашувда халқаро ҳамкорлик бўйича директор ўринбосари Жужанна Вагра институт фаолияти ва Будапештдаги кампус ҳақида батафсил сўзлаб берди. У, шунингдек, Ўзбекистонда виночилик ва узумчиликни ривожлантириш бўйича ҳамкорликни янада мустаҳкамлашга кўмаклашишга тайёрлигини билдирди. "Ҳамкорликнинг мумкин бўлган йўналишларини аниқлаш учун биринчи қадам сифатида сентябрь ойида манфаатдор ўзбекистонлик ҳамкасблар билан қўшма онлайн учрашув ташкил этиш муҳим деб ўйлайман", - деди Жужанна Вагра.