ТОШКЕНТ, 18 июль. /"Дунё" АА/. 10-17 июль кунлари Хитойнинг Цзуни шаҳрида катталар ўртасида бокс бўйича халқаро турнир бўлиб ўтди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, ушбу мусобақада Ўзбекистон терма жамоаси ҳам иштирок этди.

Якунда боксчиларимиз мусобақани 3 та олтин, 1 кумуш ва 4 та бронза медаллари билан якунлади.

Жумладан, Абдуллоҳ Мадаминов, Арман Маханов, Дилфуза Бекова олтин, Нигина Ўктамова кумуш, Самандар Ҳабибуллаев, Зилолахон Юсуфова, Мухлиса Хушвақтова ва Рашида Тагирова бронза медалига сазовор бўлди.