ТОШКЕНТ, 21 май. /"Дунё" АА/. Шу йилнинг 6-8 июнь кунлари қадимий Бухоро шаҳрида ХХI анъанавий Ипак ва зираворлар фестивали бўлиб ўтади, деб хабар қилмоқда "Дунё" АА мухбири.

Тадбир доирасида ёрқин тақдимотлар ўтказилади, хусусан, шарқона зираворлар ҳамда маҳаллий ипак ва пахтадан тайёрланган маҳсулотлар – ўзбек хонатласи, адрас ва икат ярмаркалари ташкил этилади.

Шунингдек, фестиваль кун тартибидан турли мусиқий чиқишлар, этно-мода намойишлари, халқ амалий санъати кўргазмалари, турли кўнгилочар тадбирлар ва гала концертлар ўрин олган.