КРОТОШИН, 5 январь. /“Дунё” АА/. Мамлакатимизнинг Польшадаги элчихонаси дипломатлари Кротошин шаҳрига ташриф буюриб, мэр Наталия Робаковска билан учрашув ўтказди, деб хабар қилмоқда “Дунё” АА мухбири.

Мулоқот жараёнида томонлар Кротошин шаҳри ва Андижон вилоятидаги мос шаҳар ўртасида биродарлик алоқаларини ўрнатиш, 2026 йилда Андижон вилоятига бизнес-миссия ташкил этиш масалаларида турли келишувлар имзоланди.

Шунингдек, 2026 йилда “DINO Polska”, “PW Agrounima”, “MECH-MASZ”, “AGROTOP” ва “KROT-PLON” корхоналари вакилларининг Ўзбекистонга навбатдаги бизнес-миссиясини амалга ошириш бўйича фикр алмашилди.

Суҳбат давомида “PW Agrounima”, “MECH-MASZ”, “AGROTOP” ва “KROT-PLON” компаниялари билан Ўзбекистонда, хусусан, Хоразм вилоятида ихчам қишлоқ хўжалиги техникасини йиғиш бўйича инвестиция лойиҳаларини амалга ошириш ҳақида тўхталиб ўтилди.

“DINO Polska” компаниясига Ўзбекистонда етиштирилган/ишлаб чиқарилган озиқ-овқат маҳсулотларини экспорт қилиш бўйича келишувга эришилди.