БЕЛГРАД, 24 декабрь. /“Дунё” АА/. Белградда мамлакатимиз элчиси Ойбек Шахавдинов ва Сербия Савдо-саноат палатаси раиси ўринбосари Милица Кандич ўртасида учрашув бўлиб ўтди, деб хабар бермоқда “Дунё” АА мухбири.

Томонлар икки томонлама савдо-иқтисодий ҳамкорликни ривожлантириш истиқболлари, ишбилармонлик алоқаларини мустаҳкамлаш ҳамда икки мамлакатнинг тегишли ташкилотлари ўртасидаги ҳамкорлик масалаларини муҳокама қилди.

Мулоқот чоғида Сербия компанияларининг қўшма бизнес-форумларда иштирок этиш режалари тасдиқланди ва иқтисодий ҳамкорликни янада ривожлантириш мақсадида қўшма Ишбилармонлар кенгашини ташкил этиш истиқболлари кўриб чиқилди.

Учрашув якунлари бўйича мулоқотни давом эттириш ва қўшма ташаббусларни амалий даражада мувофиқлаштириш бўйича келишувга эришилди.