ҚОҲИРА, 21 декабрь. /“Дунё” АА/. Ўзбекистоннинг Саудия Арабистонидаги туризм бренди элчисини тайинлаш маросими ўтказилди, деб хабар қилмоқда “Дунё” АА мухбири.

Ўзбекистоннинг Мисрдаги элчихонасида Рақамли технологиялар вазирлиги ҳузуридаги Дастурий маҳсулотлар ва ахборот технологиялари технологик парки дирекцияси – IT-Parkнинг ишчи гуруҳи аъзолари билан учрашув ўтказилди.

Унда ишчи гуруҳнинг шу йил 7–12 декабрь кунлари Қоҳирага амалий сафари натижалари ва эришилган келишувлар муҳокама этилди.

Таъкидланишича, IT-Parkда Мисрдаги турдош компаниялар билан ҳамкорлик бошланғич босқичда бўлиб, ушбу давлат капитали иштирокида дастлабки истиқболли лойиҳалар шаклланмоқда. Айни пайтда IT-Parkда Мисрнинг ягона резиденти сифатида “NEN FOR INFORMATION TECH” компанияси фаолият юритмоқда. Корхона арабча RTL йўналишлари учун eExam лицензияси ҳамда “AI мониторинг” хизматларини кўрсатиб, жами 15 нафар ходимни иш билан таъминлаган.

Қоҳирага амалий сафар чоғида “F6Ventures”, “EgyRobo”, “V.Connct”, “ACT International”, “Plug and Play Egypt” каби 10 дан зиёд етакчи компаниялар билан икки томонлама музокаралар ўтказилиб, ўзаро манфаатли ҳамкорликни кенгайтириш ва фаоллаштиришга қаратилган аниқ режалар белгилаб олинди.

Ҳозирда Мисрдан 10 та янги компаниянинг Ўзбекистонда фаолият бошлаши, 250 та янги иш ўрни яратилиши ва йиллик IT ва BPO экспорт ҳажмини 2 миллион долларга етказиш чоралари ишлаб чиқилмоқда. Шу боис, яқин 2 йил ичида Миср IT-экспортнинг энг стратегик ва тез ривожланаётган бозорларидан бирига айланиши тахмин қилинмоқда.

Элчихонада бўлиб ўтган учрашувда келгусида Ўзбекистон ва Миср ўртасида АКТ соҳасидаги алоқаларни ривожлантириш ва қўллаб-қувватлаш бўйича ҳамкорликни давом эттиришга келишиб олинди.