TOSHKENT, 4-mart. /“Dunyo” AA/. O‘zbekiston tashqi ishlar vaziri o‘rinbosari Bobur Usmanov bugun Rossiya elchisi Aleksey Yerxov bilan uchrashuv o‘tkazdi, deb xabar bermoqda “Dunyo” AA muxbiri.

TIV ma’lumotiga ko‘ra, muloqot davomida O‘zbekiston-Rossiya keng qamrovli strategik sheriklik va ittifoqchilik munosabatlarining ustuvor masalalari batafsil muhokama qilindi. Oliy darajada erishilgan kelishuvlarning amaliy ijrosi ko‘rib chiqildi.

Tomonlar, shuningdek, ikki va ko‘p tomonlama formatlardagi bo‘lajak tadbirlar jadvali yuzasidan fikr almashdilar.

“Dunyo” AA olgan surat