NIJNEKAMSK, 31-may. /“Dunyo” AA/. Tatariston Respublikasining Nijnekamsk shahrida Qurbon hayiti munosabati bilan mintaqada vaqtincha mehnat qilayotgan hamyurtlarimiz uchun xayriya dasturxoni yozildi, deb xabar bermoqda “Dunyo” AA muxbiri.

Uchrashuv davomida vatandoshlarga xorijdagi O‘zbekiston fuqarolarini qo‘llab-quvvatlash, ularning huquq va qonuniy manfaatlarini himoya qilish borasida amalga oshirilayotgan ishlar, shuningdek, ko‘rsatilayotgan konsullik-huquqiy ko‘mak haqida so‘zlab berildi.

O‘z navbatida, hamyurtlarimiz ko‘rsatilayotgan eʼtibor va g‘amxo‘rlik uchun davlatimiz rahbariga samimiy minnatdorlik bildirib, vatanimiz ravnaqi yo‘lida duolar qildilar.

Dasturxonga tortilgan milliy taomlar tadbirga o‘zgacha fayz bag‘ishladi. Samimiy va do‘stona ruhda o‘tgan uchrashuv ishtirokchilar o‘rtasida jonli muloqot va o‘zaro anglashuvni mustahkamlash uchun muhim maydon bo‘lib xizmat qildi