CHANSHA, 22-oktabr. /“Dunyo” AA/. O‘zbekiston Bosh konsulxonasi diplomatlari Xitoyning Chansha shahrida “Markaziy Osiyo mamlakatlarining mintaqalararo savdo-iqtisodiy hamkorligi” forumi doirasida yurtimiz savdo-iqtisodiy, investitsiyaviy va turizm salohiyati taqdimotini o‘tkazdi, deb xabar bermoqda “Dunyo" AA muxbiri.

Tadbirda Xunan provinsiyasida faoliyat yurituvchi 100 nafardan ortiq kompaniya vakillari ishtirok etdi. Diplomatlar O‘zbekiston hududlari va drayver tarmoqlari imkoniyati, qulay ishbilarmonlik muhiti, xorijiy investorlar ishtirokida amalga oshirilishi taklif etilayotgan loyihalar haqida ma’lumot berdi.

Forum doirasida mahalliy kompaniyalar bilan o‘tkazilgan muzokaralarda “yashil” energetika, qurilish, tog‘-kon sanoati va AKT kabi sohalarda qo‘shma loyihalarni ishlab chiqish istiqbollari muhokama qilindi. 

Tomonlar O‘zbekistonga biznes missiyalarini o‘tkazishga ham kelishib oldi.