O‘zbekiston–Shvetsiya o‘rtasida qishloq xo‘jaligi sohasida hamkorlik kengaytiriladi
Iyun 20, 2026. 14:00 • 2 daq
• 81
UPPSALA, 20-iyun. /“Dunyo” AA/. O‘zbekiston elchisi Raxmatulla Nurimbetov “Research Institutes of Sweden” (RISE) rahbariyati hamda “Vinnova” kompaniyasi vakillari bilan uchrashdi, deb xabar bermoqda “Dunyo” AA muxbiri.
Muzokaralar davomida tomonlar qishloq xo‘jaligini modernizatsiya qilish, raqamli texnologiyalarni joriy etish, suv resurslaridan samarali foydalanish, shuningdek, agrar sohada ilmiy-tadqiqot hamkorligini rivojlantirish masalalarini muhokama qildi.
Shvetsiya tomoni RISE institutining innovatsiyalarni amaliyotga joriy etish, prototiplarni ishlab chiqish va yangi texnologiyalarni sinovdan o‘tkazish sohasidagi imkoniyatlarini taqdim etdi.
Uchrashuv ishtirokchilari O‘zbekiston va Shvetsiya ilmiy muassasalari o‘rtasida hamkorlikni yo‘lga qo‘yish, Yevropa Ittifoqi dasturlari doirasida qo‘shma loyihalarni amalga oshirish, O‘zbekiston qishloq va suv xo‘jaligi sohasi vakillaridan iborat delegatsiyaning Shvetsiyaga tashrifini tashkil etish masalalari yuzasidan fikr almashdi.
Uchrashuv yakunida tomonlar agrar innovatsiyalar va suv resurslarini boshqarish sohalarida amaliy hamkorlikni kengaytirish maqsadida aloqalarni davom ettirishga kelishib oldi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Polsha sanoat kompaniyasi ishtirokida O‘zbekistonda qo‘shma korxona tashkil etiladi
O‘zbekiston va Suriya o‘rtasida savdo aylanmasini oshirish bo‘yicha kelishuvlarga erishildi
Rimda O‘zbekiston va Italiya kompaniyalarini birlashtiruvchi "Business Matching" raqamli platformasi ishga tushirildi
BAAning yetakchi kompaniyasi O‘zbekistonda sanitariya mahsulotlari ishlab chiqarishni yo‘lga qo‘ymoqchi
