4–5-iyun kunlari O‘zbekiston Prezidenti amaliy tashrif bilan Rossiyada bo‘ladi
Iyun 02, 2026. 22:00 • 58 soniya
• 2
TOSHKЕNT, 2-iyun. /“Dunyo” AA/. O‘zbekiston Prezidenti Shavkat Mirziyoyev Rossiya Prezidenti Vladimir Putinning taklifiga binoan 4–5-iyun kunlari amaliy tashrif bilan Sankt-Peterburg shahrida bo‘ladi, deb xabar bermoqda “Dunyo” AA muxbiri.
Davlatimiz rahbari matbuot xizmati ma’lumotiga ko‘ra, O‘zbekiston Prezidenti “Pragmatik muloqot – barqaror kelajak sari yo‘l” shiori ostida o‘tadigan 29-Peterburg xalqaro iqtisodiy forumining yalpi yig‘ilishida ishtirok etadi va nutq so‘zlaydi.
O‘zbekiston yetakchisi jahon iqtisodiyotidagi vaziyat, O‘zbekiston – Rossiya iqtisodiy hamkorligini rivojlantirish istiqbollari borasidagi fikrlari bilan o‘rtoqlashadi, shuningdek, mamlakatimizni rivojlantirishning bugungi ustuvor yo‘nalishlariga to‘xtalib o‘tadi.
Tashrif dasturida Rossiya Prezidenti Vladimir Putin bilan uchrashuv o‘tkazish hamda yurtimizda birinchi integratsiyalashgan atom elektr stansiyasi qurilishini boshlash marosimida ishtirok etish ko‘zda tutilgan.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston Prezidenti raisligida o‘tkazilgan yig‘ilishda kimyo sanoatini jadal rivojlantirish vazifalari belgilandi
O‘zbekiston Prezidentiga kimyo sanoatini rivojlantirish yo‘lidagi istiqbolli loyihalar bilan tanishdi
