ASHXOBOD, 2-aprel. /“Dunyo” AA/. Ashxobod shahrida O‘zbekiston elchisi Ravshanbek Alimovning Turkmaniston Vazirlar Mahkamasi Raisi o‘rinbosari Batir Annayev bilan uchrashuvi bo‘lib o‘tdi, deb xabar bermoqda “Dunyo” AA muxbiri.

Muloqot chog‘ida tomonlar ikki davlat o‘rtasida transport-logistika va kommunikatsiyalar sohasidagi hamkorlikning dolzarb masalalarini muhokama qildilar.

So‘nggi yillarda O‘zbekiston va Turkmaniston o‘rtasidagi savdo-iqtisodiy munosabatlarning ijobiy dinamikasi va sezilarli faollashgani qayd etildi. Bunda transport infratuzilmasini yana-da rivojlantirish hamda yuk tashuvchilar uchun qulay sharoitlar yaratish muhim ahamiyatga ega ekani taʼkidlandi.

Tomonlar O‘zbekiston va Turkmaniston o‘rtasida transport-tranzit, logistika va kommunikatsiyalar sohasida hamkorlikning rivoji nafaqat ikki tomonlama munosabatlarni mustahkamlashga, balki mintaqada transport yo‘laklarining barqarorligi va samaradorligini oshirishga ham xizmat qilishini eʼtirof etdilar.