O‘zbekiston va Rossiya TIV rahbarlari muzokaralar chog‘ida oliy darajada erishilgan kelishuvlarning o‘z vaqtida va to‘liq amalga oshirilishiga alohida eʼtibor qaratdilar
Iyul 24, 2026. 16:00 • 2 daq
• 48
TOSHKENT, 24-iyul. /“Dunyo” AA/. Tashqi ishlar vaziri Baxtiyor Saidov Cho‘lponotada Rossiya tashqi ishlar vaziri Sergey Lavrov bilan uchrashdi, deb xabar bermoqda “Dunyo” AA muxbiri.
“SHHT Tashqi ishlar vazirlari kengashi yig‘ilishi doirasida Rossiya Federatsiyasi tashqi ishlar vaziri Sergey Lavrov Janobi Oliylari bilan mazmunli uchrashuv o‘tkazdik, – deb yozdi O‘zbekiston TIV rahbari o‘zining telegram-kanalida. – O‘zbekiston va Rossiya o‘rtasidagi strategik sheriklik va ittifoqchilik munosabatlarining yuksak surʼatini alohida qayd etdik. Davlatlarimiz Rahbarlari o‘rtasidagi faol va ishonchli muloqot barcha yo‘nalishlardagi hamkorlikni izchil rivojlantirish uchun mustahkam asos bo‘lib xizmat qilmoqda.
Oliy darajada erishilgan kelishuvlarning o‘z vaqtida va to‘liq amalga oshirilishi, savdo-iqtisodiy va hududlararo aloqalarni yana-da kengaytirish, shuningdek, madaniy-gumanitar almashinuvlarni faollashtirish masalalariga alohida eʼtibor qaratdik.
Shuningdek, dolzarb mintaqaviy va xalqaro masalalar yuzasidan fikr almashdik hamda SHHT, MDH, BMT va boshqa ko‘p tomonlama tuzilmalar doirasida yaqin hamkorlikni davom ettirishga tayyor ekanimizni tasdiqladik”.
“Dunyo” AA olgan surat
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Cho‘lponota shahrida SHHTga aʼzo davlatlar Tashqi ishlar vazirlari kengashining navbatdagi yig‘ilishi bo‘lib o‘tdi
