Nyu-Yorkdagi anʼanaviy paradda o‘zbek madaniyati namoyish qilindi
May 20, 2026. 13:55 • 2 daq
• 19
NYU-YORK, 20-may. /“Dunyo” AA/. Nyu-York shahrida bo‘lib o‘tgan anʼanaviy Turkiy paradda O‘zbekiston madaniyati ham keng namoyish etildi, deb xabar bermoqda “Dunyo” AA muxbiri.
AQSHdagi Turkiy jamiyat tomonidan tashkil etilgan ushbu tadbirning yuqori saviyada o‘tkazilishida mamlakatimizning Nyu-Yorkdagi Bosh konsulxonasi vakillari ham yaqindan ko‘maklashdi.
Parad davomida vatandoshlarimiz davlat bayroqlari va milliy bezaklar bilan jihozlangan ko‘chma platformada o‘zbek xalq kuy-qo‘shiqlari hamda milliy raqslarni namoyish etdi. O‘zbek badiiy jamoasining yorqin chiqishlari tomoshabinlar va tadbir ishtirokchilarida katta qiziqish uyg‘otib, madaniy dasturning eng diqqatga sazovor qismlaridan biriga aylandi.
O‘zbekiston diasporasining mazkur tadbirdagi faol ishtiroki mamlakatimizning boy madaniyati, betakror urf-odatlari va milliy qadriyatlarini keng xalqaro auditoriyaga targ‘ib qilish imkonini berdi. Shuningdek, bu kabi tashabbuslar xorijda istiqomat qilayotgan vatandoshlarimizning AQSH ijtimoiy-madaniy hayotida faol ishtirok etayotganini yana bir bor namoyon qildi.
1981-yildan buyon muntazam o‘tkazib kelinayotgan ushbu tadbir AQSHdagi turkiy xalqlar diaspora tashkilotlarining eng yirik madaniy va ijtimoiy maydonlaridan biri hisoblanadi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekistonlik yoshlar Shvetsiyaning nufuzli ta’lim dasturi grantlarini yutishdi
Qozog‘istonning Atirau va Oqtov shaharlarida o‘zbekistonlik talabalar bilan muloqot o‘tkazildi
