TOSHKENT, 17-sentabr. /“Dunyo” AA/. O‘zbekiston Prezidentining Afg‘oniston bo‘yicha maxsus vakili Ismatulla Irgashev bugun Pokiston elchisi Muhammad Mudassir Tipu bilan uchrashdi, deb xabar bermoqda “Dunyo” AA muxbiri.

TIV maʼlumotiga ko‘ra, suhbat chog‘ida O‘zbekiston–Pokiston sherikligining dolzarb masalalari, jumladan, siyosiy muloqot, savdo-iqtisodiy hamkorlik va mintaqaviy o‘zaro bog‘liqlikni yanada rivojlantirish muhokama qilindi.

Tomonlar muntazam aloqalarni saqlab qolish hamda mintaqada barqarorlik, ishonch va barqaror rivojlanishni mustahkamlashga qaratilgan tashabbuslarni birgalikda ilgari surishdan o‘zaro manfaatdor ekanini taʼkidladi.

“Dunyo” AA fotosurati