TOSHKENT, 8-sentabr. /“Dunyo” AA/. Kecha O‘zbekiston tashqi ishlar vazirining birinchi o‘rinbosari Bahromjon Aʼloyev Qatar Tashqi ishlar vazirligi bosh kotibi, Sivilizatsiyalar alyansi qo‘mitasi raisi Ahmad bin Hasan al-Hammadiy bilan uchrashdi, deb xabar qilmoqda “Dunyo” AA muxbiri.

TIV maʼlumotiga ko‘ra, uchrashuvda O‘zbekiston va Qatar o‘rtasidagi ikki tomonlama munosabatlarni yana-da mustahkamlash, siyosiy, savdo-iqtisodiy hamda madaniy-gumanitar sohalardagi hamkorlikni kengaytirish masalalari muhokama qilindi.

Shuningdek, qo‘shma tadbirlarni amalga oshirish, o‘zaro tashriflar almashish va xalqaro anjumanlarni hamkorlikda tashkil etish yuzasidan zarur chora-tadbirlarni birgalikda ko‘rishga kelishib olindi.

“Dunyo” AA surati