Dehlida o‘nta davlat diplomatik klublarining uchrashuvi bo‘lib o‘tdi
Noyabr 11, 2026. 10:30 • 1 daq
• 108
DЕHLI, 11-noyabr. /“Dunyo” AA/. Hindiston poytaxtida O‘mon va Sloveniya diplomatik klublari tashabbusi bilan uchrashuv tashkil etildi, deb xabar bermoqda “Dunyo” AA muxbiri.
Ikkinchi bor o‘tkazilgan mazkur uchrashuvda Sloveniya, Shotlandiya, Hindiston, Armaniston, Qatar, Litva, O‘zbekiston, Nepal va Suriya diplomatlari hamda turli xalqaro tashkilotlar vakillari ishtirok etdi.
O‘zbekiston nomidan Tashqi ishlar vazirligi Diplomatik servis xizmati qatnashib, tashkilotchilarga videomurojaat yo‘lladi.
Uchrashuv “Birgalikda rivojlanish – diplomatik klublarning yagona global hamjamiyatini shakllantirish” shiori ostida o‘tkazildi. Uning asosiy vazifalari diplomatik klublar o‘rtasidagi hamkorlikni kengaytirish, tajriba almashish, an’anaviy diplomatiya doirasidan tashqarida xalqaro muloqot va o‘zaro tushunishni rivojlantirishdan iborat bo‘ldi.
Tadbir haqidagi axborot O‘monning “Oman Daily Observer” va “Muscat Daily” nashrlarining rasmiy veb-saytlari, O‘mon Diplomatik klubining “Instagram”dagi rasmiy sahifasi hamda “Qabasmedia” internet nashrida e’lon qilindi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekistonlik chorvadorlar Belarusdagi qo‘shma korxona faoliyatini kengaytirmoqda
O‘zbekiston va Turkiya atrof-muhitni muhofaza qilish bo‘yicha hamkorlik bitimini imzoladi
O‘zbekiston delegatsiyasi JSTning savdo himoya choralariga oid mintaqaviy seminarida ishtirok etdi
O‘zbekiston Xitoyning Futszyan provinsiyasi bilan shaharsozlik sohasida hamkorlikni kengaytmoqda
