ASHXOBOD, 5-yanvar. /“Dunyo” AA/. Turkmanistonda 2026-yil “Mustaqil neytral Turkmaniston – azmu shijoatli samoviy tulporlar vatani” shiori ostida o‘tadi, deb xabar bermoqda “Dunyo” AA muxbiri.

“Turkmenistan segodnya” davlat axborot agentligi maʼlumotlariga ko‘ra, ushbu shior Turkmaniston Mejlisining qarori bilan tasdiqlangan.

Mejlis raisi Dunyagozel Gulmanova Turkmaniston hukumati yig‘ilishida mazkur shior “Xalq vakillari, mamlakatning yirik jamoat tashkilotlari, mehnat jamoalari va fuqarolardan kelib tushgan takliflar asosida” maʼqullanganini maʼlum qildi.

“Sharq taqvimiga ko‘ra, kirib kelayotgan yil – Ot yili, — deyiladi Turkmaniston Mejlisining qarorida. — Turkman otlari xalqimizning milliy g‘ururi, bebaho boyligi va yuksak yutuqlar ramzi hisoblanadi”.